نسخة قابلة للطباعة من الموضوع
إضغط هنا لمشاهدة الموضوع بهيئته الأصلية
الهاشماب.نت _ المنتدى العام _ أفراح وأحزان
كاتب الموضوع: محمد عمر الامين Aug 4 2009, 11:38 AM
الاخوة بالمنتدي
سلام من سودان العزة والشموخ سلام يحمل دعاش الخريف وكتاحة الصيف البتخلي الواقع يقيف
عاش الاهل بالهاشماب اسبوعاً يحمل الحلو والمر وكما هو معلوم إن بدأت الأعراس في الهاشماب فإنها ستستمر لفترة وإن إنفتحت بيوت الاعزاء يبقي عزرائيل صديقاً للأسرة لقد سعد الأهل وفرحوا بزواج أخينا العريس الظريف الدمو خفيف أسامة محمد أحمد البلولة زواج كان حكاية وأجمل ما في الزواج تلك الاغنية التي قدمها العريس بنفسه للعروسة عقب قدومهم من الكوفير وسط زغاريد الأهل فالعريس أسامة أظهر ملكات جميلة في الصوت مع الحفظ والتجويد يعني كانت جدعة حلوة من العريس وأكيد العرسان الجايين في الحلة حا يقولوا ما عاوزين فنان نحنا برانا بنجي نغني في عرسنا نجلس بين الفاصل والفاصل مع العروس في الكوشة ثم نتوجه للمسرح لتقديم الفاصل الثاني وفي ذلك توفير لمبلغ الفنان بالاضافة لعشاء الفنانين (حلوة دي مش كده)
إنتهى زواج اخينا اسامة اللقطة لتبدأ الأحزان إذ توفي في يوم واحد كل من الخال مختار الطاهر بالسعودية وتوفيت مساءالحاجة الطاهرة شوقي الاسد وفي اليوم الثاني توفيت الحاجة صفية بت محمداني وربنا يستر ومع هذه البكيات المتسارعة ووسط الدموع ذكرت أحدى خالتنا طرفة أضحكت الناس كثيراً وهي قادمة من بكاء الخال مختار والخالة الطاهرة وعندما اخطروها بوفاة الحاجة صفية قالت بكل بساطة وعفوية لا لا النمشي ندسة الشغلانة كترت والراجل ده حايم في الحلة.
ربنا يديم الافراح ويجعل كل الليالي ملاح فالرحمة والمغفرة لكل الذين رحلوا عنا ربنا يجعلهم من اصحاب اليمين ومبرووك ومليون مبروك للعرسان وربنا يديم الافراح.
وعقبال للعزابة والمشوكشييين ولا شنو يا أخونا قدورة
كاتب الموضوع: MOHANNED HUMAM Aug 5 2009, 04:02 PM
سلام من سودان العزة والشموخ سلام يحمل دعاش الخريف وكتاحة الصيف البتخلي الواقع يقيف
عاش الاهل بالهاشماب اسبوعاً يحمل الحلو والمر وكما هو معلوم إن بدأت الأعراس في الهاشماب فإنها ستستمر لفترة وإن إنفتحت بيوت الاعزاء يبقي عزرائيل صديقاً للأسرة لقد سعد الأهل وفرحوا بزواج أخينا العريس الظريف الدمو خفيف أسامة محمد أحمد البلولة زواج كان حكاية وأجمل ما في الزواج تلك الاغنية التي قدمها العريس بنفسه للعروسة عقب قدومهم من الكوفير وسط زغاريد الأهل فالعريس أسامة أظهر ملكات جميلة في الصوت مع الحفظ والتجويد يعني كانت جدعة حلوة من العريس وأكيد العرسان الجايين في الحلة حا يقولوا ما عاوزين فنان نحنا برانا بنجي نغني في عرسنا نجلس بين الفاصل والفاصل مع العروس في الكوشة ثم نتوجه للمسرح لتقديم الفاصل الثاني وفي ذلك توفير لمبلغ الفنان بالاضافة لعشاء الفنانين (حلوة دي مش كده)
إنتهى زواج اخينا اسامة اللقطة لتبدأ الأحزان إذ توفي في يوم واحد كل من الخال مختار الطاهر بالسعودية وتوفيت مساءالحاجة الطاهرة شوقي الاسد وفي اليوم الثاني توفيت الحاجة صفية بت محمداني وربنا يستر ومع هذه البكيات المتسارعة ووسط الدموع ذكرت أحدى خالتنا طرفة أضحكت الناس كثيراً وهي قادمة من بكاء الخال مختار والخالة الطاهرة وعندما اخطروها بوفاة الحاجة صفية قالت بكل بساطة وعفوية لا لا النمشي ندسة الشغلانة كترت والراجل ده حايم في الحلة.
ربنا يديم الافراح ويجعل كل الليالي ملاح فالرحمة والمغفرة لكل الذين رحلوا عنا ربنا يجعلهم من اصحاب اليمين ومبرووك ومليون مبروك للعرسان وربنا يديم الافراح.
وعقبال للعزابة والمشوكشييين ولا شنو يا أخونا قدورة
سلامات يا حمودي
انا للله وانا اليه راجعون
البركة فيكم و الف مبروك للراجل الراقى عريس الموسم و المصور العجيب باشمهندس أسامة و عقبال بيت عامر ان شاء الله
بعدين يا حمودي ما في داعي للاحباط ز نعم الواحد اطلع على المقترح السدىد بالنسبة للنادي لكن الولى من وجهة نظري البسيطة متابعة الامر دة من السودان لانو كان في محاولة لتشكيل نواة جديدة جامعة لشباب و شابات الاسرة . ما عندي فكرة الحصل شنو في الموضوع؟ علي اي حال انت فتحت باب النقاش الاسفيري و الناس الذي ديل بتعبو مع الكيبورد العربي لكن حنحاول. سلامي للحاجة
كاتب الموضوع: عبدالقادر ابوالقاسم Aug 6 2009, 12:57 AM
سلام يا حمودى
الواحد ما عارف يقول شنو ..... مبروك و لا البركة فيكم
الاتنين غايتو ربنا يسعد العرسان و يغفر لى موتانا و موتى
المسلمين
تحياتى
Powered by Invision Power Board
© Invision Power Services