نسخة قابلة للطباعة من الموضوع

إضغط هنا لمشاهدة الموضوع بهيئته الأصلية

الهاشماب.نت _ المنتدى العام _ الجرى ورى كسب المال والغنى السريع بالاجنه والشاكوش

كاتب الموضوع: ابو ملاك Oct 20 2009, 02:44 PM

بعد السلام
تعالوا نتكلم شويه عن الزيط الطالع اليومين دى عن الدهب والغنى السريع واننا لو اشترينه جهاز حا نغنى فى فد يوم و(ننسى الارزاق بيد الله ) والله يا اخوانه انا شايف مهنة التنقيب عن الدهب دى مهنه متعبه وشاقه للغايه وحتى لو كان معاك جهاز انت برضو تعبان وتعب يمكن 90% بلا عوض ومن زمان نحن نسمع والله واحد فى الحته الفلانيه لقا كيلو وباعو بى مليار وفرتكان كان ماشى بى الجيه ديك ولقا 7 كيلو وعمل مصنع لكن يوم واحد من الجماعه المنعرفهم ما لقينه واحد حالتو اتغيرت يمشو زى ماهن ويجو اقل من الحاله المشو بيها وفى النهايه يجو يطلعو الدعايه لى الاجهزه : والله الزول العندو جهاز يغنى فى يومو والناس الراسن خفيف كتار وفى الباع الغنيمات وفى الباع الحافله الوحيده الملقطه الصاريف واشترى الجهاز ولكن الله ما اداهو ورجع قالو ليه الجهاز ده النوع الكعب وقام باع نص البيت واشترى واحد امريكى بس برضو الحال فى حالو ويا عالم اسى اخبارو شنى والله يستر عل ى الباقين .
طبعا الرزاق بيد الله والله رايدلو لقمه عيش فى العبيديه بياكلها والله رايد ليه الغنى قبلو فى بكانو القاعد فيهو وشغال بيغنى لكن البشتنه وعوجان وطلقان المشهاد لى حاجه زى دى ما فى ليه داعى بس معلبش زول التسددت عليه من جميع الجهات وعندو قدرة الحفر ده انا بقول ليه امشى طوالى العبيديه واحفر وربنا يرزقك
وفى النهايه يا اخوانه انا قايتو يقا لى شغلة الدهب دى زى المسابقات الفى الفضائيات ديك تلقى الواحد يكمل رصيدو وما يلقى اى حاجه والمستفيده جهات معينه اها دى نفس الحكايه نمشى العبيديه ويستفيدو ناس الكفتريات والمطاعم والمواصلات والناس النشترى منهم الاجهزه ...دحين اعكلو حسابكم وارضو ا بى واقعكم وارضو بى القسمه الله قسمها ليكم كان فى شندى كان الخرطوم كا فى كندا

وابقو واصلو

كاتب الموضوع: محمد عمر الامين Oct 21 2009, 09:21 AM

صدقت والله يا أبوملاك وأزيدك حبة اليومين ديل طبعاً حكاية أجهزة التنقيب دي كترت خالص خاصة القادمة من الامارات والموضوع ده خلى ناس الجمارك يفتحوا عينهم شوية يعني أي طيارة قادمة من الخليج وخصوصاً الامارات خلو موضوع التنفتيش عن الاجهزة الالكترونية ناس الراديو والمسجل والتلفزيون والديجتال وغيرهم وبقى التفتيش عن جهاز التنقيب وأول أمس في جريدة الدار في حكاية ثلاثة اشخاص ماتو بسبب إنقلاب سيارة وهم في طريقهم للخلا الناس ديل ماعارفنهم ماشين يفتشوا دهب ولا أسد قال الخلال قال.
عموماً الموضوع أصبح كثير جداً في السودان والأمر برمته لايخرج عن موضة التقليد السائدة في السودان لو واحد فتح ليه كشك ليمون البلد كلها تعمل اكشاك ليمون ولو واحد عمل ليهو عربية نقل ركاب هايس أو أمجاد البلد كلها تحاكيه بس الحمدالله لحدي هسع مافي واحد قال أنا عندي انفلونزا الخنازير وده السبب الجعل السودان خالي من انفلونزا الخنازير