نسخة قابلة للطباعة من الموضوع

كاتب الموضوع: محمد عمر الامين Aug 31 2009, 12:09 PM

أختنا العزيزة نبراس
رمضان كريم ويظهر حقيقة رمضان دخل عندنا العضم ذي ما بقولوا تصوري لقيت أني فعلاً ماخذ إيميلك وكمان ضايفك عندي في الماسنجر يعني طلعت أنا الداقس مش أنتي.
نحنا طبعاً عايشين رمضان خريفي بمعنى الكلمة حتى للدرجة التي جعلتنا نذهب ونشاهد اليافطة المكتوبة عند مدخل سوبا والتي تقول مرحباً بك في الخرطوم إعتقاداً بأن تكون تحولت لمرحب بكم في ولاية القضارف من كثرة الأمطار غير المتوقعة والتي أصبحت يومية للدرجة التي جعلت الكثير من الأسر تنوم في السيارات لانو معظم البيوت صبت وأي زول بيتي ما صبة معناه في شيء غلط وأحسن يشوفوا ليه ما صبه لأنه ممكن يقع لو ما صب راس البيت حقه شفتي الكلام ده كيف يعني أفضل لأي زول بيتو يصب على الاقل الموية بتنزل بي جوة لانها لو مانزلت حاتركن في راس البيت وتجي نازلة بالبيت كلو.
المدارس قفلوها من شدة الامطار والله يا نبراس عندنا براق تحلفي تقولي كشافات الليزر وعندنا رعدة لمن تضرب تقولي في إنقلاب ولا خليل إبراهيم جانا تاني غايتو ربنا يعينا ويجيب لينا شهر عشرة ويريحنا من الخريف وإزعاجو لانو المطرة لو صبت يعني النور قطع والنور قطع يعني كل الحياة داخل المنزل توقفت ده غير الكتاحة البتجي قبل المطرة وتخلي ناس البيت تبقى اشكالهم ذي البعاعيت والشغالة تاني يوم ما بتجي وووالخ ياخ ده أنتو عايشين في نعيم تجو السودان في الإجازات وشكم لامع ونظيفين وتشوفو الناس غبش وشينيين من صالة مطار الخرطوم وما عارفين الحاصل لينا وسبب شناتنا دي شنو.
بعد ده كفاك ماشي أخد لي نومه لانو ميعاد الفطور باقي ليه ساعتين
اتفضلي معانا عندنا سلطة روب مبااااااااااااااااااالغة

كاتب الموضوع: نبراس الطيب Sep 13 2009, 10:40 AM

إقتباس(محمد عمر الامين @ Aug 31 2009, 12:09 PM)

أختنا العزيزة نبراس
رمضان كريم ويظهر حقيقة رمضان دخل عندنا العضم ذي ما بقولوا تصوري لقيت أني فعلاً ماخذ إيميلك وكمان ضايفك عندي في الماسنجر يعني طلعت أنا الداقس مش أنتي.
نحنا طبعاً عايشين رمضان خريفي بمعنى الكلمة حتى للدرجة التي جعلتنا نذهب ونشاهد اليافطة المكتوبة عند مدخل سوبا والتي تقول مرحباً بك في الخرطوم إعتقاداً بأن تكون تحولت لمرحب بكم في ولاية القضارف من كثرة الأمطار غير المتوقعة والتي أصبحت يومية للدرجة التي جعلت الكثير من الأسر تنوم في السيارات لانو معظم البيوت صبت وأي زول بيتي ما صبة معناه في شيء غلط وأحسن يشوفوا ليه ما صبه لأنه ممكن يقع لو ما صب راس البيت حقه شفتي الكلام ده كيف يعني أفضل لأي زول بيتو يصب على الاقل الموية بتنزل بي جوة لانها لو مانزلت حاتركن في راس البيت وتجي نازلة بالبيت كلو.
المدارس قفلوها من شدة الامطار والله يا نبراس عندنا براق تحلفي تقولي كشافات الليزر وعندنا رعدة لمن تضرب تقولي في إنقلاب ولا خليل إبراهيم جانا تاني غايتو ربنا يعينا ويجيب لينا شهر عشرة ويريحنا من الخريف وإزعاجو لانو المطرة لو صبت يعني النور قطع والنور قطع يعني كل الحياة داخل المنزل توقفت ده غير الكتاحة البتجي قبل المطرة وتخلي ناس البيت تبقى اشكالهم ذي البعاعيت والشغالة تاني يوم ما بتجي وووالخ ياخ ده أنتو عايشين في نعيم تجو السودان في الإجازات وشكم لامع ونظيفين وتشوفو الناس غبش وشينيين من صالة مطار الخرطوم وما عارفين الحاصل لينا وسبب شناتنا دي شنو.
بعد ده كفاك ماشي أخد لي نومه لانو ميعاد الفطور باقي ليه ساعتين
اتفضلي معانا عندنا سلطة روب مبااااااااااااااااااالغة

هههههههههههههههههههههههههههههههههههههههه
مبااااااااااااالغة يا محمد
ما عارفة أخلي شنو و أرد على شنو؟

لكن إذا رمضان بوصفك خريفي و صااااااااخب كده عندكم
العيد حيكون كيف؟
غيرااااااااااانة منكم
و الله هنا حر و سخانة شديدة خلاص

بالمناسبة
سلطة الروب تنفعك

و اهم شيء ما تنسى تعمل بيتك انت ذاتك صبة


طلعت ونااااااااس والله
ما شاء الله