حتة جميلة كدة ..
نتشارك فيها افراحنا و افراح الاخرين من الاقارب و الاهل
و البداية ..
اليوم انشاء الله زواج اسامة ود المرحوم مصطفى حسن الحاج على الانسة بتول بت المرحوم خالد الفاروق بت اسيا حسن الحاج
و اسيا دي بت بتول بت الشيخ ابوالقاسم
وللشباب الصغار الما بعرف الناس ديل .. بتول العروس دي لقبها ( تولة) .. و هي شقيقة سعد و عمر , الشهير بـ ( دفوعي)
يقام الاحتفال بشارع الفيل .. امام منزل الخير هاشم
و جنة الاطفال منازلهم بالله ..
الحفلة الساعة 9:00
و الزفة الساعة غالبا 10:45 زي اي عرس سوداني ..
و العرس بنتهي 11:00
و بالله عرباتكم وقفوها بعيد عشان الزفة و كدة
و ما عندنا عشا بعد الحفلة ما تبدا ..
لو جايين بعد 9:00 تعالو متعشين
بس خلاس
ولا كلمة ..
هس
مبروك للعرسان وعقبال لباقي الشباب
تحياتي
و ربنا يتمم على خير
شكراzalloomy
شكرا على الأخبار الحلوة يا زلومى الف مبروك لى تولة - ما شاء الله غايتو نحنا
عجزنا جنس عجز - أسمع انت دفوعى عرس و لا لسة؟؟؟؟
جيب لينا صور العرس بالله
سلام
والله الف الف مبروووك لى توله الله يتمم ليها على خير
وبالجد كما كنتا قلتا لى توله ماكان عرفتها
اخبار الحفلة
كانت عجيبة .. و غريبة .. و مفرحة و مبهجة جدااااااااا
اسامة و تولة كانو اخر جمال و الناس كانت زحمة و مستمتعين جدا
و جو غنو ليهو 7 فنانين .. لانو شغال معاهم .. و عازف في الفرقة القومية للموسيقى
انا عندي زي 200 صورة تقريبا للمناسبة دي .. بس رايح مني ال card reader . شفتو السغالة .. لكن الليلة دي ببهجكم بالصور انشاء الله
الذ مافي الموضوع انو الحفلة كانت قدام باب بيتنا و العريس اسمو اسامة .. و الفننا بين اي غنية و التانية جايب اسمو .. في بعض سكان المنطفة كانو قايلنو عرسي ..
اخوك حبببببببببببة كدا وكان عاش الدور .. هاهاهاهاهاهاها
ودامت ايامكم عامرة بالافراح
ايوا بالمناسبة يا قدورة
دفوعي عرس و عندو بنيه صغنوووونة عمرها 6 شهور
دي صوره اخدناها يوم الاثنين 5\5\2008 .. بمناسبة افتتاح المعرض التشكيلي للاخ غسان بـ khartoum Gallery
و تجمع من اليمين لليسار كل من :
سبأ البلولة
غسان البلولة
سالي خالد عثمان
و نهال ( صديقة و جارة سالي )
ازيك يا قدوره والف الف مبروك علينا الموقع والف مبروك عليكم العرس والله انا لى فتره ما فتح الاميل غير اليوم
ووالله الموقع جد يجنن ونتمنى لك مزيد من التقدم والازدهار
وتقبل سلام جميع الاهل ببرى والكمير(كمير الجودلاب) بالمناسبه يا قدوره ان عارف الموقع ده حايكون مميز من باقى المواقع ليه ؟
طبعا اكيد ما عارف
انا اقول ليك :_ لان حايكون وسط المشتركين واحد ميكانيكى (العبد لله)
يا قدوره ليه ما عزمتنى للعرس ولا نحن ما قد المقام
الا باحق العرس ده عرس منو ووين
ربنا يسعدهم و يحفظهم لبعض
يااااااااااااا المامون
المعرض يقام هذه الايام في khartoum Gallery بالطابق الاول داخل البرلمان سنتر في شارع البرلمان .. شرق معرض شركة الهدف مباشرة ..
و يستمر للعشرة ايام القادمة ..
و الدعوة عامة ..
علما بأن كل الاعمال معروضة ايضا للبيع .
و الما قاعد في السودان يكلم ناس السودان ..
و بالمناسبة ..
عجبتني فكرة البوست المنفصل لاعمال غسان دي ..
انا اتكلمت معاهو و هو مرحب بالفكرة جدا .. و حننفذا حالا
ولكم ودي
الف مبروك اسامة و تولة
مبروك يا سعد و دفوعي
و بالمناسبة : يا اسامة بلولة لو لاقيت سعد قول ليه اشرف قال ليك بعد دا ما عندك اي حجة
وسلامي للجميع و الشكر لك يا بلولة و انت تجعلنا نحي معكم الافراح رغم البعد و المسافة
Powered by Invision Power Board
© Invision Power Services