نسخة قابلة للطباعة من الموضوع

كاتب الموضوع: محمد عمر الامين Sep 15 2009, 02:24 PM

أختنا الفاضلة الدكتورة نبراس إنشاءالله تكونوا رقتوا شوية من زحمة بكاء الوالد سواء عبر البرقيات اوالتلفونات أو الحضور الشخصي ربنا يتقبله ويجعله من أصحاب اليمين.
طبعاً العيد على الأبواب والواحد قبل ما ينشغل بحاجات العيد قال أحسن يرسل ليك الرسالة دي لانو جائز تاني ما أفتح المنتدي الا بعد العيد طبعاً العيد السنة متوقعين يكون كلو أمطار خاصة وإنها توقفت قبل خمسة أيام ومتوقع حضورها مطلع الاسبوع المقبل يعني مع العيد إنشاءالله تصب لينا كعك وبيتفور كان توفر لينا حق الدقيق والسمن ومشية الافران في نص الليل وملاقاة عبيد ناس الفرن البشيلو جردل ويخلو ليك جردل على طريقة ناس الضرائب.
انتو طبعاً حا تعملوا فيها حادين وحاجات ذي كدة ونحنا ذاتنا بي جاي عندنا كم بيت في الحلة عاملين فيها حادين لكن من يشوفوا ليهم شيالة كعك تجي مارة بيهم يهجموا علينا ينظفوها ويقولوا ليك نحنا أبونا ميت ذي التقول القتلتوا ليهم أنت
ختاماً أختي نبراس تقبلي تحياتي وتحيات كل الأهل وكل عام وانتم بخير والبركة في الوالد وبلغي تحياتي لكل شباب المنتدي الى حين العودة عقب عطلة عيد الفطر المبارك.
هاك الكعك ده :
اخوك محمد عمر الامين