سبأ هي اخر العنقود ..
ظهرت بعد اربعة اولاد .. و الان بتدرس في كلية الاداب جامعة الخرطوم
و يكتب اسمها هكذا ... ســـــــــــبــــــــأ

يااااااااااااا المامون

المعرض يقام هذه الايام في khartoum Gallery بالطابق الاول داخل البرلمان سنتر في شارع البرلمان .. شرق معرض شركة الهدف مباشرة ..
و يستمر للعشرة ايام القادمة ..
و الدعوة عامة ..
علما بأن كل الاعمال معروضة ايضا للبيع .
و الما قاعد في السودان يكلم ناس السودان ..

و بالمناسبة ..
عجبتني فكرة البوست المنفصل لاعمال غسان دي ..
انا اتكلمت معاهو و هو مرحب بالفكرة جدا .. و حننفذا حالا

ولكم ودي

دي صوره اخدناها يوم الاثنين 5\5\2008 .. بمناسبة افتتاح المعرض التشكيلي للاخ غسان بـ khartoum Gallery
و تجمع من اليمين لليسار كل من :

سبأ البلولة
غسان البلولة
سالي خالد عثمان
و نهال ( صديقة و جارة سالي )

يللا يا حلوين
دي حاجة بسيطة كدة من الصور

دايمة افراحكم

ايوا بالمناسبة يا قدورة
دفوعي عرس و عندو بنيه صغنوووونة عمرها 6 شهور

اخبار الحفلة

كانت عجيبة .. و غريبة .. و مفرحة و مبهجة جدااااااااا

اسامة و تولة كانو اخر جمال و الناس كانت زحمة و مستمتعين جدا
و جو غنو ليهو 7 فنانين .. لانو شغال معاهم .. و عازف في الفرقة القومية للموسيقى
انا عندي زي 200 صورة تقريبا للمناسبة دي .. بس رايح مني ال card reader . شفتو السغالة .. لكن الليلة دي ببهجكم بالصور انشاء الله

الذ مافي الموضوع انو الحفلة كانت قدام باب بيتنا و العريس اسمو اسامة .. و الفننا بين اي غنية و التانية جايب اسمو .. في بعض سكان المنطفة كانو قايلنو عرسي ..
اخوك حبببببببببببة كدا وكان عاش الدور .. هاهاهاهاهاهاها

ودامت ايامكم عامرة بالافراح

عفوا تصحيح بسيط حتى لا يختلط عليكم الامر

العضو ( الفنان ) هو غسان محمد احمد البلولة .. و هو شقيقي الاصغر .. كتبت الرد باسمه دون علمي اني دخلت الصفحة باسمه .

على العموم هو زميلنا في نفس اللجنة .. و مقررها ايضا .
و كان ان ما رددت عليكم انا سيرد عليكم بنفس التفاصيل ..
فقط لزم التنويه لاني وقعت باسمي على التوضيح اعلاه .. خوفا من لبس قد يقع في التعريف به .
وساترك باقي التعريف له .. ان لم يكن قد عرف نفسه فعلا .

و لكم ودي

حتة جميلة كدة ..
نتشارك فيها افراحنا و افراح الاخرين من الاقارب و الاهل
و البداية ..

اليوم انشاء الله زواج اسامة ود المرحوم مصطفى حسن الحاج على الانسة بتول بت المرحوم خالد الفاروق بت اسيا حسن الحاج
و اسيا دي بت بتول بت الشيخ ابوالقاسم
وللشباب الصغار الما بعرف الناس ديل .. بتول العروس دي لقبها ( تولة) .. و هي شقيقة سعد و عمر , الشهير بـ ( دفوعي)
يقام الاحتفال بشارع الفيل .. امام منزل الخير هاشم
و جنة الاطفال منازلهم بالله ..

الحفلة الساعة 9:00
و الزفة الساعة غالبا 10:45 زي اي عرس سوداني ..
و العرس بنتهي 11:00
و بالله عرباتكم وقفوها بعيد عشان الزفة و كدة
و ما عندنا عشا بعد الحفلة ما تبدا ..
لو جايين بعد 9:00 تعالو متعشين

بس خلاس
ولا كلمة ..
هس