من عاش لم يخل من هم و من حزن بين المصائب فى دنياة و المحن

و إنما نحن فى الدنيا على سـفر فراحل خلف الباقى على الظعن

و كلنا بالردى و الموت مرتهن فما نرى فيهــــــما فكا لمرتهن

من ذا الذى أمن الدنيا فلم تخن أو الـــــذى عز بالدنيا فلم يهن

كل يقال لة قد كان ثم مضى كأن ما كان من دنياة لم يكــن

و قيل : إنّ أحق من عرف حق اللة علية فيما أخذ منة من عظّمّ حق اللة علية فيما أبقى لة .و إنّ الماضى قبلك هو الباقى لك و أنّ الباقى بعدك هو المأجور فيك و إنّ أجر الصابرين فيما يصابون بة أعظم من النعمة عليهم فيما يعافون منة . و طوبى لمن مات فى نأنأة ألإســــــــــــــــلام

ياغاليــــــــــــــــه تســأل منك العافيه والله
وانشاء الله البركه فيكم

وبالجد الايامات الفاتت مشغوليات والنت برضوا كان قاطع

وياقدوره كويس انى لقيتك وووين انت مختفى.... عايزه اقول ليك انى اتخرجت
وانشاء الله حاانزل ترينغ فى مركز ابحاث الفضاء مع دكتور لوال ودكتور اشرف
وانشاء الله تبقى ليك رجعه تانى للجامعه

عوووووووووووووووووووك يا هاشماب وين انتوا



ابقو واصلو

شكرا يا دكتورتنا على السؤال..



كلامك يطمئن .. الحمد لله لا تزال الدنيا بخير.

أما الإحباط الذي كتبتي عنه أنت في بوست آخر ، فهو أحد أسباب الغياب.

البركة فيكم وفي الشباب الناهض.



تحياتي.

دكتورتنا والله سلامات ويسال من الخير
والله قاعدين بس شويه مشغوليات

اخبارك

أختنا العزيزة نبراس
رمضان كريم ويظهر حقيقة رمضان دخل عندنا العضم ذي ما بقولوا تصوري لقيت أني فعلاً ماخذ إيميلك وكمان ضايفك عندي في الماسنجر يعني طلعت أنا الداقس مش أنتي.
نحنا طبعاً عايشين رمضان خريفي بمعنى الكلمة حتى للدرجة التي جعلتنا نذهب ونشاهد اليافطة المكتوبة عند مدخل سوبا والتي تقول مرحباً بك في الخرطوم إعتقاداً بأن تكون تحولت لمرحب بكم في ولاية القضارف من كثرة الأمطار غير المتوقعة والتي أصبحت يومية للدرجة التي جعلت الكثير من الأسر تنوم في السيارات لانو معظم البيوت صبت وأي زول بيتي ما صبة معناه في شيء غلط وأحسن يشوفوا ليه ما صبه لأنه ممكن يقع لو ما صب راس البيت حقه شفتي الكلام ده كيف يعني أفضل لأي زول بيتو يصب على الاقل الموية بتنزل بي جوة لانها لو مانزلت حاتركن في راس البيت وتجي نازلة بالبيت كلو.
المدارس قفلوها من شدة الامطار والله يا نبراس عندنا براق تحلفي تقولي كشافات الليزر وعندنا رعدة لمن تضرب تقولي في إنقلاب ولا خليل إبراهيم جانا تاني غايتو ربنا يعينا ويجيب لينا شهر عشرة ويريحنا من الخريف وإزعاجو لانو المطرة لو صبت يعني النور قطع والنور قطع يعني كل الحياة داخل المنزل توقفت ده غير الكتاحة البتجي قبل المطرة وتخلي ناس البيت تبقى اشكالهم ذي البعاعيت والشغالة تاني يوم ما بتجي وووالخ ياخ ده أنتو عايشين في نعيم تجو السودان في الإجازات وشكم لامع ونظيفين وتشوفو الناس غبش وشينيين من صالة مطار الخرطوم وما عارفين الحاصل لينا وسبب شناتنا دي شنو.
بعد ده كفاك ماشي أخد لي نومه لانو ميعاد الفطور باقي ليه ساعتين
اتفضلي معانا عندنا سلطة روب مبااااااااااااااااااالغة